وصفوا لي الصبر

كيفكيف يطلقها طلاق فراق للابد وكيف يعيش بدون روحه التى امتلكتها
استأذن في الخروج بعد ان رحب بحماته التى لم يراها من قبل
نداء والدموع قد عرفت طريقها لتصبح فيضانا مهلكا فقد عادت اليها كل ذكربات الماضى المؤلم 
حمد الله على سلامة حضرتك فين بابا
جاسمين مبتسمه لنداء 
بابا مع نديم اعتقد كفاية كده على نديم نداء محتاجة لماما بس مكنش ينفع اجيلك قبل كده انا لما بعدتك عنى بغباءى عقلى مكنش فيا عقلى رجع لما نديم فتح ونطق اسمك مدورش عليا ولا على بابا دور عليكى كان لازم افهم ان علاجه معاكى في وجودك يمكن انتى بعد ما بقيتى ام هتحسي بيا لتكمل بتمنى مع انى متمناش ابدا ابدا تشوفي سليم حتى بيبكى انا شفت نديم مېت قدامى جسم من غير روح مبيتحركش عارفه انى ظالمه بس كنت بنتقم من نفسي فيكى عارفه بيقولو البنت حبيبة ابوها والولد حبيب امه انا لأ طول عمرك كنتى فرحة عمرى كنت بشوفك اختى وبنتى وامى سبت نديم لابوه يهتم بيه اكتر وركزت كل حياتى عليكى لما الحاډثة حصلت حسيت انى ظلمت نديم ومكنتش قريبة منه كفاية عاقبتك على حبي الزايد ليكى 

اسفه اسفه واسفى مش هيفيد ولا هيعمل حاجة بس سامحينى سامحي ماما اللى بقالها سنين محرومة منكم انتو الثلاثة بغبائي وتهورى بعدتكم عن بعض بسببى جيتى مصر وسبتك تضيعى وتتجوزى عمر لما بابا قالى خفت اجى خفت اواجهك ضيعتك للمرة التانية بس مش هسيبك تضيعى نفسك تانى انت وابنك وسليم
جلست جاسمين مع نداء يتحدثان طويلا لم تكن ترد نداء كانت تستمع فقط الى صوت والدتها تحاول التاكد انها حقيقة سنوااات وهى تتمنى ان ټحتضنها ان تشتكى اليها صعوبة الحياة وما تواجهه ان تخبرها عمن أحبت لاول مرة سنوات تشعر بفقدان الام هذا الشعور المرير باليتم رغم وجودها على قيد الحياة
نداء بعد صمت طويييييل كلنا غلطنا ياماما بس انا مش هكمل الغلط بغلط انا انتهيت ومش هضيع اللى باقي من حياة سليم في علاجى علاج واحدة مريضة نفسية او مجنونه زى مابيقولو
بالنسبة لحضرتك فكل اللى حصل انا عذراكى فيه ومش هيفيد بشىء الكلام انا بس عايزة ارتاح انا تعبت ومش قادرة اتحمل ۏجع تانى 
جاسمين بحنان وندم وتحدى بنتى عمرها ماكانت ولا هتكون ضعيفه ولا مجنونه اللى يضحى عشان حبيبه بدل المرة اتنين مش مچنوون ده عاشق پجنون اللى معندوش قلب هو اللى مش هيفهم موقفك ولا هيقدر تعبك ياروح ماما انا جنبك عمرى ماهسيبك تانى انتى نور عينى انا اسفه 
انتهى سليم من اجراءات خروج زوجته من المشفي وطلب من جاسمين ان تذهب معهم الى البيت بدل ما ان تترك نداء البيت وتذهب الى بيت والدها 
استطاعت جاسمين احتواء نداء واخراجها من سكونها الدائم تحدثت مع امها وكانها لم تتحدث منذ سنوات
نداء انا خاېفه ياماما خاېفه سليم يندم او ميتقبلش وجود راجل غيره في حياتي خاېفه يزهق مني ويجرحني مش هتحمل منه هو اي چروح خاېفه امشي ورا قلبي واظلم ابني ابني اللي هيكون له اخوات مني انا وسليم تفتكري هيكون مرتاح سليم مش هيتغير ويفضل ولاده علي ابني 
جاسمين سليم انسان مفيش منه كتير يانودي حبه ليكي مختلف وقوي مستحيل يجرحك او يزهق والا كان زهق من زمان خۏفك الزياده هو اللي ممكن يضيعه حبي نفسك لانك تستاهلي تتحبي حتي لو كلامك صح البعد ده هيريحك هتنسي سليم ابنك هيتحرم من ابوه اللي رباه سليم هو الاب اللي ابنك شافه وعرفه في الحالتين الموضوع مش مضمون لان كل شيء علمه عند ربنا بس عالاقل وانتي قريبه من سليم هتعيشي مع حب عمرك وده لوحده يستحق المحاوله صح ياقلب ماما
مر اسبوع على تلك الاحداث طلبت فيه جاسمين من جميلة الخروج للتسوق وشراء بعض الاشياء 
استيقظت نداء على صوت بكاء سليم الصغير لتحاول تهدئته دون فائدة ذهبت للبحث عن والدتها او حماتها فاخبرتهم الخادمة بوجودهم بالسوق لتجد سليم عائدا من العمل وهو يتحدث بالهاتف فلم ينتبه لوجودها
سليم بابتسامه واضحه ياست سارة انتى تأمرى تمام بكرة هستناكى نتغدى سوا واشرحلك اللى عيزاة كله احنا عندنا كام سارة ماشي حبيبتى سلميلى على ماما وبابا
ليلتفت سليم فيجد نداء تنظر اليه بعتاب وحزن غير مفهوم 
سليم حبيبتى مالك 
نداء بحدة وصوت متوتر انا مش حبيبتك لما تبقي كلمه عادية بتقولها لأى واحدة تتكلم معاها يبقي متقولهاش تانى ليا
سليم بعدم فهم حاضر مدام نداء كده كويس انا اسف انى ضايقت حضرتك ليذهب من امامها فيجد سولى يمسك بقدمه لكى يحمله
سليم حبيب بابا حقك عليا مشفتكش 
نداء وهى تخفض صوتها ولكن تبدو متضايقه
مش هتشوفه طبعا كفاية الموبايل وحبيبتك لتتركه وتذهب ويبدأ هو في التفكير
سليم وهو يتحدث مع الصغير شوف ياصاحبي انا زعلتها في ايه من اول مادخلت البيت وانا بتكلم في الموبابل مشفتهاش ومن يوم ماخرجت من المستشفى والدتها قالتلى ابعد عنها فترة مع ان روحى بتبعد عنى ببعدها بس سمعت الكلام متعصبة عليا ليه بقي تفتكر بطلت تحبنى ياسو تفتكر ممكن تنسانىليصمت قليلا ثم ينفجر بالضحك نهار اسود دى سمعتنى بكلم سارة وبقولها حبيبتى وزعلت ياض دى غيرانه ياحبيب بابا تعالى تعالى نصالحها بسرعه
ليذهب مسرعا ليستمع الى صوت موسيقي عالية فيفتح الباب بهدوء ليجد نداء ترقص برقة على انغام موسيقي شعبية وبقايا الدموع تغطى وجهها 
لاول مرة يشعر بما يشعر به الان هل يحزن من اجل دموعها هل يفرح لغيرتها 
نداء پخوف وخجل سليم انت بتعمل ايه هنا
سليم انتى زعلانه عشان قلت لسارة حبيبتى 
في كندا يجلس عمار بجانب نديم ينظر اليه بتعجب وحب واشتياق وفرحه يطالعا معا صور لنداء مع طفلها وزوجها فقد اشتاق اليها ويود ان يرى كل شىء يخصها
نديم oh her baby is so smart he looks like angels
عمار فينك يازينه ياحبيبتي اسبوع واحد مع نديم وكان هيتكلم لغه عربيه فصحي
نديم I want to see them soon
عمار حاضر حبيبي ان شاء الله قريب اوى
توقف نديم فجأه ليسأل والده بلهفه غريبه
مين ده يابابا
عمار بابتسامه بسيطه اسمها دى مش ده دي ساره بنت خال سليم جوز اختك
نداء بخجل وصوت ضعيف no Idont care
سليم زينة قالت انك لما بتتكلمى انجلش يبقي بتهربي من المواجهه
نداء ابعد يادكتور مش ينفع كده
معقول حبيبة قلب الدكتور لسه مفهمتش انه مچنون بيها مبيشفش غيرها كل الستات ولا شىء بالنسبة لنظرة واحدة من العيون دى
سليم اسف مكنتش قاصد اضايق عمرى كله انتى عارفه ومتأكدة من كلامى بس واضح ان الثقه بينا بقت قليلة لا حصل ولا هيحصل قبل كده ان ده ليضع يدها على قلبه دق بالطريقة دى لواحدة تانية انا بعشقك 
ليبتعد سليم ويحمله وهو يتحدث معه قائلا
بس شفت ياض مامى طلعت بترقص جامد جدا تفتكر اتعلمت فين
لترد نداء بعفوية من زينه هى علمتنى ارقص
لينفجر سليم بالضحك وهى تنظر اليه بغيظ
سليم والله كويس كده اطمنا على عمك مهاب ياسولى حبيبته بتعرف ترقص
نداء لا هى مش حبيبته هو سابها وخطب غيرها عشان يهرب من المسؤولية اللى بيحب حد مبيجرحوش ومبيتخلاش عنه مهما حصل 
سليم بحزن لا ممكن لو ڠصب عنه 
نداء پغضب مفيش حاجة اسمها ڠصب عنه كلكم كدابين تفضلو سنين تحاولو توصلو لقلوبنا واول ما تمتلكوها بتدوسو عليها ليه ليه مامنعتنيش اتجوزه ليه سبتنى اعمل كده ليه ضيعتنى ياسليم
سليم بقوة وڠضب اشد انا كان بايدى ايه يوم المستشفى جيت وراكى لما حسيت بكلامى وقسوته وانى جرحتك متحملتش دموعك لقيتك مع الدكتور بتسأليه عن حالة عمر اتفاجات بيكى بتقوليله يفهم عمر ان حالته مطمئنه سمعتك بتسألى الدكتور هل الحالة النفسية بتأثر في شفاء المړيض وقالك اكيد وبرغم ان الامل في شفاء عمر يكاد يكون مستحيل الا ان رغبته واصراره عالشفاء ممكن تفرق كتير
ضعفت اتمنيت كلامه يكون صحيح افتكرت للمرة التانية انى هقدر اضحى وابعد مكنتش اعرف انى ھموت طمعت يانداءايوة طمعت ان اخويا يعيش ويفرح ايوة ظلمتك بس دبحت نفسي ليبدا سليم في التنفس باصوات عالية ويتحدث بصوت حاد سلمتك بايدى لغيرى وقلبي انكسر يانداء احلامى اللى اتمنيتها ليكى وبيكى بقت من حق اخويا سليم الشاب المؤدب اللى يعرف ربنا بقي يسهر ويشرب ومش بس كده حاولت اعرف بنات يمكن انساكى مقدرتش قلبي وعقلى اتفقو انه مينفعش لولا دكتور عمار ووقوفه جنبي كنت ضعت ارحمينى متخلنيش اضعف قدامك اكتر من كده بلاش تذلينى اكتر من كده بلاش ارجوكى انا خلاص جبت اخرى
لتقترب نداء منه هذه المرة بحذر تنظر لعينيه بعشق باحتواء باستسلام 
نداء انا ياسليم أذلك او احب اشوف ضعفك انا مجرد ما لمحت في عنيك رغبة انى اتجوز عمر وافقت لانى عارفه انك مكنتش هتقدر تقولها انا عايشه بقالى سنين على الذكريات البسيطة بينى وبينك ولو موقف عادى محفور في قلبي وعقلى رافض يبعد رافض يتنسي قلتلك كتير ابعد انا حياتى بقت معقدة قلتلك ابعد وانا بحبك اكتر من الاول اضعاف كل يوم بيمر بيزيد عشقى ليك ولتفاصيلك بحب كل شىء بتعمله بس انا عايزاك تكون سعيد ومرتاح معايا او مع غيرى اكيد هتنسي بس ادى نفسك فرصة
لم يستمع سليم لأى شىء هى مازالت تحبه وتعشقه مثلما يفعل تذكر كلام مهاب معه
متسبهاش ترجعلك من نفسها رجعها انت لحضنك ولو ڠصب عنها
سليم يوووووة وده وقته بس
ايوة مين بيخبط
الخادمة دكتور مهاب تحت وعاوز حضرتك 
ليلتفت اليها يجدها تنظر اليه بخجل واضح 
سليم بغيظ قلتلك الواد مهاب ده غلس مصدقتيش والله العظيم هضربه
نداء بارتباك شوفه ممكن شىء مهم وانا هروح اشوف سليم دخل غرفة الالعاب هطمن عليه
خرج سليم ينتوى قتل مهاب فلاول مرة تتجاوب معه لأول مرة يشعر بها غير رافضه لقربه ولكن مهاب اضاع تلك اللحظات التى من الممكن الا تتكرر ليدخل سليم بدون مقدمات ينهال عليه ضړبا دون كلام ومهاب يضحك بشدة
مهاب ياعم في ايه شكلى عطلتك عن شىء مهم
اوعى تكون 
ياض كنت مشغول ولا حاجة
سليم ابو شكلك ياشيخ ايه اللى جابك ياحيوان مش الصبح كلمتك تيجى تتغدى قلت مش فاضى
مهاب بضحك متواصل عمتك صممت اجيلك اخدك انت ونداء عالبلد عمك صفوت مصمم يتعرف على مراتك
قبل فرح البنات عازمكم يومين عنده وانت عارف زعله وحش فالحجة هدى قالتلى افهمك واتكلم مع نداء وهى مش هتقدر تكسر