عشق تحت اشراف طبي

كده ابتلاها زي ما ربنا بيحبك وابتلاكي من كام سنه وعوضك عن كل التعب والۏجع اللي شوفتيه وصبرك علي الابتلاء وحققلك حلمك وبقيتي دكتوره أشطر دكتوره في الدنيا دي بالنسبالي
روان أرجوكي خليكي قويه ومتضيعيش كل التعب اللي تعبتيه بسبب تهيؤات في دماغك ملهاش أي أساس 
أرجوكي يا روان !!
روان بصتله بصمت والدموع بتنزل من عينيها بغذارة 

واتكلمت بعد صمت وصوتها بيترعش..
مش هقدر يا أيوب والله مش هقدر
روان خلصت كلامها وخرجت من أوضة الكشف بل من المستشفى كلها
أيوب بص لأثرها بحزن عميق واتنهد بهدوء
_________________________________
عند روان 
كانت قاعده علي سجادة الصلاة في أوضتها وبتعيط بإنهيار ومحاوطه جسمها وركبتها بايديها كعادتها لما تكون حزينه
روان رفعت ايديها للسما واتكلمت وصوتها بيقطع من وقت للتاني بسبب العياط ..يارب يارب قويني وخد بإيدي أنا كنت عارفه إني عاجلا أم أجلا هتعرض لموقف زي ده بس مكنتش عارفه إني هتوجع كده
كنت فاكره إني نسيت كل اللي حصل وإنها كانت مجرد فتره في حياتي وخلاص اتخطيتها لكن بمجرد ما شوفت حبيبه اكتشفت إني متخطتش أي حاجه
إني لسه فاكره إحساسي بالۏجع من كمية العمليات اللي كنت بعملها افتكرت إحساسي بالخجل لما جسمي بيتكشف قدام الدكاتره افتكرت عجزي وأنا مش قادره حتي أقوم من عالسرير من غير مساعدة جدتي
جدتي اللي كنت عاله عليها وكانت بتخدمني رغم سنها الكبير افتكرت الوقت اللي كان بيمر من حياتي والمفروض اللي في سني يكونوا بيدرسوا في الجامعه وأنا قاعده علي سرير في مستشفي
اكتشفت إني كنت بمثل إتي تخطيت كل اللي مريت بيه بس الحقيقة إني كنت براكم جوايا ومع أول مواجهه ..اڼهارت
روان استمرت في العياط لساعات لحد ما سمعت صوت الباب بيخبط فمسحت دموعها بسرعه وقالت ..
ادخلي يا تيته
الجده دخلت وقعدت قصاد روان وأخدتها في حضنها وقالت ..مالك يا قلب جدتك حالك مش عاجبني
روان خرجت من حضنها بتوتر وقالت ..مفيش يا تيته أنا بخير
الجده بحزن .. بقى كده يا روان بتكدبي عليا! ده أنا أفهمك من نظرة عينك يابنتي وانتي عينك فيها حزن كبير
روان اترمت في حضڼ جدتها وعيطت بۏجع ..أنا تعبانه اووي يا تيته حاسه إن قلبي بيتقطع
الجده بخضه .. سلامة قلبك يا روح جدتك مالك يا حبيبتي 
روان مسحت دموعها واتكلمت بهدوء ..
مفيش يا تيته أنا بس حاسه بضغط كبير من الكليه والمستشفي فكنت بفكر أقعد شويه في البيت عشان أعصابي تهدى وهكون أحسن بإذن الله
الجده ..متأكده يحبيبتي !
روان هزت راسها بهدوء
الجده بحنان ..اللي يريحك يحبيتي أهم حاجه تكوني كويسه أنا مش بحب أشوفك كده أنا متعوده علي روان اللي الابتسامة مبتفارقش وشها
روان بصتلها بحب ..حاضر يا تيته
_______________________________
عدي أسبوع كامل
روان مكانتش بتخرج من البيت خالص ودايما نايمه يادوب بتقوم تصلي أو تذاكر شويه أو تاكل بعد رجاء من جدتها فكانت بتاكل حاجات بسيطه عشان ترضيها
وفي يوم صحيت ومن جواها قررت تبدأ من جديد 
خلاص هي حزنت بما فيه الكفايه لازم تكون كويسه عالأقل عشان جدتها
روان بدأت يومها بشاور واتوضت وصلت وبعدين بدأت تنضف البيت وتحط بخور وشغلت الخطبه لإن النهاردة الجمعه وبدأت تجهز فطار ليها هي وجدتها
فطروا وبعدين نضفت مكان الفطار وبعدها عملت نسكافيه في المج بتاعها المفضل
روان وهي بتشرب النسكافيه افتكرته ..أيوب ..
وابتسمت لما افتكرت الموقف بتاع المج قطع تفكيرها صوت الباب اللي بيخبط فقامت ولبست اسدال الصلاه ولفت حجابها ووقفت قصاد الباب
روان ..مين
مفيش رد روان استغربت وفتحت الباب بهدوء ...
روان پصدمة .. مستحيل أيوب !
أيوب بصلها بابتسامة مقدرش يمنعها بسبب شوقه ليها لكن بسرعه كشړ واتكلم بجدية ..احم جدتك موجوده 
روان بإستغراب .. أيوه تيته موجوده
أيوب بجدية غريبه ..طيب من فضلك قوليلها إني عايز أتكلم معاها
روان بإستغراب أكبر ..عايز تتكلم معاها في ايه !وبعدين انت ايه اللي جابك هنا وعرفت عنوان بيتي ازاي !
أيوب ..أولا أنا عايز جدتك مش عايزك انتي ثانيا 
مش صعب عليا أعرف عنوانك متنسيش إني أبقى
أيوب الشعراوي
روان بصتله بضيق من تكبره ولسه هتتكلم قاطعها صوت جدتها اللي جت من وراها ..مين اللي عالباب ياروان
روان بتوتر ..ده دكتور أيوب الشعراوي يا تيته
الجده بترحيب وابتسامه ..أهلا أهلا يا ابني نورت بيتنا من