انا والمجهول

كده لازم تمشي فقالت والدته وده بقى قرارك ولا عشان ريم هانم طلبت كده قال لا ده قرارى وريم انا ليا تصرف تانى معاها ولو وصلت ان انهى علقتى بيها تماما فقالت الهانم لو حققت رغبتها وسمعت كلامها عشان ترجع لها يبقى هى اللى هتتحكم فيك طول العمر وسعتها هتحسرنى على تربيتك وبخصوص هدير عشان ما تقولش انى السبب فى ټدمير حياتك وجلب المشاكل ليك انا هأجر ليها مكان تعيش فيه وهخصص ليها مبلغ شهرى تعيش منه فقال اعملى اللى تعمليه بس ما تقعدش فى وسطنا رغم ان ده بردوا عليه مسئوليه عليكى لان معهاش اى اثبات شخصيه والمكان ده هيكون باسمك فقالت وانت حكمت خلاص انها وراها مصېبه ان بعض الظن اثم ياحازم فقال اللى انتى شيفاه وطلع غرفته وطلعت الهانم ليا وكانت سلمى قاعده معايا وانا ببكي وهى حبيبتى قاعده جنبى وبطبطب عليا ودخلت الهانم عليا وهى مش عارفه تقول لى ايه وجت قعدت امامى ورفعت وشي وقالت معلش ياهدير انا مش هسيبك بردو بس الظاهر ان قعدتك هنا بقى امر صعب قومى لمى هدومك وحاجتك اللى جبناها واى حاجه بتستخدميها وانا هأجرلك مكان هتقعدى فيه عقبال ما تجهزى شنطتك هكون انا كلمت سمسار معايا رقمه وهتفق معاه يوفرلك مكان كويس وفعلا انا جهزت شنطتى وسلمى قاعده تبكى لما فهمت انى همشي والهانم بعديها بساعه طلعت قالت لى هاتى شنطتك وانا هنادى حازم يودينا على العنوان اللى قال لى عليه السمسار عشان هو مستنينه هناك واخذت شنطتى ونزلت وسلمى ماسكه فيا وبتبكى وحازم ووالدته واقفين تحت ولسه بنخرج صړخت سلمى ونطقت قالت لا ماتخلوهاش تمشي عشان خاطرى سبتوا ماما تمشي وقولتوا لي راحت عند ربنا ليه عاوزين تمشو ماما هدير عشان خاطرى سبوها معايا قعدت على ركبتى واخذتها فى وفضلنا نبكي احنا الاثنين وبعدين من ذرعيها وقولت ليها ما تخفيش انا هبقى اجى ازورك كل شويه فقالت لا مش هسيبك تمشي وتسبينى زى ماما كل ده وحازم والهانم وقفين مزهولين ان سلمى اتكلمت وقالت الهانم لحازم هى سلمى اتكلمت ولا انا بيتهيألى فقال حازم لا اتكلمت ياماما اتكلمت وجريت الهانم على سلمى وفضلت فقالت سلمى عشان خاطرى ياتيتا عشان خاطرى ياعمو ما تمشوهاش فقالت الهانم الله وحشتنى كلمت تيتا اوى حاضر ياحبيبتى مش هتمشي لسه حازم هيتكلم قالت الهانم ولا كلمه ياحازم هدير مش هتمشي مهما يحصل سامعنى انا مش هحرم سلمى من امها مرتين سلمى معتبره هدير امها الثانيه سامعنى فقال حازم سامعك ياماما راحت الهانم وهى شايله سلمى اخدتنى من ايدى وطلعنا غرفتى ورجعت كل حاجتى مكانها تانى وسلمى فضلت قاعده معايا فى غرفتى وبتنام فى كل يوم وتانى يوم والد ريم جيه لحازم ودخلوا المكتب وانا نزله بالصدفه وجدت سلمى حطه ودنها على باب المكتب فندهت عليها بصوت منخفض راحت جت عليا فبقولها ايه اللى بتعمليه ده بتتصنتى مش كده عيب وغلط فقالت عارفه انه عيب فقولت طب ليه عملتى كده فقالت اصل والد ريم جوه وخاېفه لا يخلى عمو حازم يمشيكى بس الحمدلله عمو حازم قال له ريم ملهاش الحق انها تقولى اعمل ايه ومعملش ايه هى هتدينى اوامر دا احنا كل اللى بنا قراية فتحه امال لما تبقى زوجتى هتعمل ايه فقال والد ريم انت عارف ياحازم بنات الي مين دول وبعدين هى عشان بتحبك غيرانه عليك فقال حازم بس مش كده المفروض يكون فى ثقه ما بنا انا اللى شيفه منها ده تحكم وانا عمرى ما هسمح لها بكده فقال والد ريم ياحازم ولا تحكم ولا حاجه وهى بصراحه عندها حق ازاى تجيبوا واحده من الشارع وتقعدها معاكم الله واعلم ايه وراها وحكايتها ايه فقال حازم والله احنا نحكم عليها باللى شوفناه منها واحنا لحد الان مشوفناش حاجه وحشه منها وغير كده وكده سلمى بنت اخويا حبتها من حنيتها عليها وطيبت قلبها وهى الوحيده اللى اتسببت فى انها تتكلم من كتر خۏفها انها
تمشي وتسبها تفتكر بعد ده كله امشيها لمجرد ان ريم عاوزة كده لا انا اسف ياعمى مش هقدر انفذ اوامر الاستاذه ريم المره دى فقال والد ريم بس ريم مصممه على طلبها والا فقال حازم وانا ما بحبش لوى الذراع ويبقى هى اللى اختارت فقال والد ريم تقصد ايه قال حازم اللى حضرتك كنت عاوز تقوله احنا لسه على البر ومفيش اى حاجه رسمى فقال والد ريم يعنى انت بتضحى ببنتى عشان بنت جيبنها من الشارع قال له لا عشان انا ما بحبش حد يتحكم فى حياتى وثانيا عشان بنت اخويا اللى ما صدقنا انها اتكلمت فقال والد ريم بس انت عارف انى دخلتك شريك فى المستشفى على اساس انك هتكون زوج ريم بنتى بس ورحتى انتى نديتينى فقولت طب تعالى ولسه هنطلع لقينا والد ريم فتح باب المكتب وخارج وهو بيقول انت اللى اخترت ياحازم والمستشفى ماشوفكش فيها تاتى وان كان على القرشين اللى كنت واخدهم منك عشان احسسك انك شريك بجد هبعتهملك وكانت طلعت والدت حازم لما سمعت الصوت عالى وقابلت والد ريم وهو خارج فقالت فى ايه لده كله فقال ينفع اللى انتوا عملينوا ده قالت ايه اللى عملنا مزعلك كده انكم تجيبوا واحده من الشارع وتقعدوها معاكم وابنك اقوله يابنتى يا البنت دى يقولى يبقى بنتك اللى اختارت فقالت وهى هدير عملت ايه لريم عشان عاوزه تمشيها من بيت لسه مجتش تقعد فيه فشوح بايده والد ريم وقال انتى كمان لسه هتقولى عملت ايه ومعملتش ايه انا مش عارف سبب بالبنت دى اشبعوا بيها وسابهم ومشي دخلت والدت حازم المكتب وجدت حازم. تابع
الجزء الثالث من انا والمجهول
فقالت وهى هدير عملت ايه لريم عشان عاوزه تمشيها من بيت لسه مجتش تقعد فيه فشوح بايده والد ريم وقال انتى كمان لسه هتقولى عملت ايه ومعملتش ايه انا مش عارف سبب بالبنت دى اشبعوا بيها وسابهم ومشي دخلت والدت حازم المكتب وجدت حازم قاعد على كرسي المكتب وساند كوعه على المكتب ووضع وجهه بين كفيه فقالت والدته ايه مالك زعلان على ريم ولا على الشړاكه فقال ريم ايه ما انتى عرفانى انا مليش فى الحب والكلام ده بس دا فك الشړاكه وانتى عارفه ان الظروف ما ينفعش اعمل مستشفى لوحدى ويدوب المبلغ اللى هخده منه يفتح عياده ويجهزها يعنى بعد ما عملت اسم للمستشفى وكبرتها هرجع ابتدى المشوار من الاول وفى عياده فقالت انا عارفه انى انا اللى حطيتك فى كل ده بس ولا يهمك اسمك هو اللى كبر مش المستشفى وبعدين العياده مش قليله بكره بمجهودك ترجع تفتح مستشفى فدخلت انا وسلمى عليهم وقولت انا اسفه انا السبب فى ده كله انا لازم امشي واخرج من حياتكم يمكن كل شيء يرجع تانى فقالت سلمى لا مش هتمشي فقالت الهانم اطلعى انتى دلوقتى ياهدير حازم ابنى راجل ومافيش حاجه تهزه اطلعى رحت واخده سلمى وطلعت وبصراحه حسيت انى ډمرت حياتهم وبذات حياة حازم فقررت ان اروح لريم واتكلم معاها يمكن تسمع منى فقولت لسلمى انتى تعرفى مكان ريم ووالدها فقالت ايوه دى الفيلا بتاعتهم فى فى نفس المنطقه فقولت ليها ايه رايك لما يكون حازم بره والهانم نايمه نروح ليها فقالت سلمى لا نروح ليها ليه دا انا مصدقت انها مش هتيجى هنا تانى وبعدين انتى عاوزاها تصالح عمو حازم ليه فقولت احساسي بأنى السبب فى انى قلبت حياتهم وضيعت حلم حازم ولخبطت مستقبله وهما كل اللى كانوا عملوا انى صعبت عليهم ومهنش عليهم اترمى فى الشارع يكون ده جزائهم وفعلا استنينه لما حازم خرج والهانم كانت نايمه وخرجت انا وسلمى وروحنا على الفيلا والبواب كان عارف سلمى اول ما شفها دخلنا وكانت ريم قاعده فى الحديقه اول ماشفتنا قامت واتجهت نحوى وقالت انتى ايه اللى جابك هنا ومين اللى دخلك اطلعى بره فقولت ليها طب اسمعينى انا مش فاهمه انتى ليه متضيقه منى وعامله راسك براسي دا انا بنت غلبانه وكل اللى طلباه من ربنا مكان
يلمنى من الشارع انا واحده ربنا اختار ليها انها تنسى كل حاجه واعيش وحدى وسط الدنيا وهما كتر خيرهم حبوا يكسبوا فيا ثواب ومهنش عليهم يرمونى فى الشارع لان اى حد معرض للى حصل لى وكمان عشان خاطر البنت اليتيمه دى اتعلقت بيا وحست معايا بحنية الام هيضرك فى ايه وجودى معقوله تكونى غيرانه على حازم منى انتى فين وانا فين حازم انسان مايتعوضش ما تضيعهوش من ايدك فقالت ما بقاش اللى انتى ياخدامه اللى جيه تنصحينى وتقولى لى مصلحتى فين ويعدين غيرة ايه اللى اغيرها منك دا انا مرضاش تكونى خدمتى اطلعى بره والمكان ده ماتدخلهوش تانى وندهت البواب وقالت ارمي البنت دى بره واياك تدخلها مره تانيه رحت واخده سلمى فى ايدى وخرجت بسرعه قالت سلمى عرفتى بقى انا كنت بكرها ليه لانها قليلة الذوق ومعندهاش قلب ولا احساس وغلطنا اننا روحنا ليها فقولت بصراحه ما اتصورتش انها بالشكل ده دا ربنا رحم دكتور حازم منها ورجعنا واكدت على سلمى ما تجبش سيره لحد اننا رحنا بس اول ما دخلنا كانت الهانم استيقظت واول ما دخلنا قالت كنتوا فين فسكت وقولت ابدا كنا بنتمشى بره شويه لقيت سلمى بتقول للهانم ريم دى قليلة الذوق اوى ياتيتا فقالت الهانم ليه ياسلمى بتقولى عليها كده مش عايب اننا نتكلم عن حد اكبر مننا كده فقالت اصلها هزقت هدير وزعقت ليها وطردتها فقالت ايه الكلام ده وحصل فين ونظرت لى وقالت الكلام ده حصل فعلا وحصل فين فقولت اصل اصل فقالت سلمى فى ڤيلتهم ياتيتا فقالت الهانم ايه اللى وداكى هناك ياهدير فقولت اصل دكتور حازم صعب عليا انه متضيق على مستقبله وحضرتك كمان حسيت انك زعلانه عشانه وطبعا انا السبب فى ده كله فقولت يمكن اقدر اتكلم معاها واقنعها بس حصل اللى سلمى قالت عليه فقالت الهانم انا عارفه ان قصدك خير بس كان لازم تخدى راى فى حاجه زى كده اديها هزقتك وطردتك وممكن تفتكر اننا عندنا علم بمرواحك ليها وده يقلل من قيمتنا فقولت والله ما اقصد كده خالص فقالت الهانم