حكايه رهف

احكي ليكى 
اسماء ماشي اتفضلى امامى
فى الاستراحه 
اسماء ها اتكلمى بقى قريبك ده ولا ايه
رهف ما انا قولت ليكى انى ماليش حد وبدأت تحكى ليها بداية من قعدتها مع جدتها وجودتها الأولى اللى فشلت وجوزتها الثانيه واللى فقدت فيها ابنها وقتها اول ما جابت سيرة ابنها فضلت تبكى قامت اسماء اخدتها فى حضنها وقالت دانت يابنتى شوفتى كتير واتحملتى كتير الله يكون فى عونك ويرد ابنك لحضنك وعشان تخرجها من بكائها والحزن اللى دخلت فيه 
قالت ليها بقولك ايه متوهنيش مش هسيبك الا ما اعرف حكاية المز ده معاكى 
رهف ولا حكايه ولا حاجه وحكت ليها ازاى والده شافها واخذها لبيتهم لحد ما جت واشتغلت هنا 
اسماء ياخساره طلع خاطب دا انا كنت ناويه اخطفه منك
ضحكت رهف  
اسماء بس اقولك انت بتحبى الواد ده ما تنكريش
رهف ايه بتنجمى ماشي ياست العرافه
اسماء أنجم ايه وعرافه ايه انت ما شوفتى كان باين عليكى الفرحه ازاى دا انتى كنت عاوزه تطيرى من على الأرض وتروحى ليه
بس اقولك بردو من كلامك ومجيته امبارح دى اقدر اقولك انه ميال بردو بس محتار ومش قادر ياخد قرار 
الاستراحه انتهت وقاموا وكلام اسماء بيرن فى ودان رهف  
وفى يوم وهما قاعدين فى استراحه اسماء مره واحده جه فى بالها فكره وقالت لرهف بقولك ايه انتى اتعمل ليكى العمليه القيصريه دى بدون علمك صح 
رهف اه اشمعنا 
اسماء يبقى اكيد اللى عمل ليكى العمليه دى دكتور او دكتوره معندهاش ضمير لأنها بكده شاركت فى الچريمه دى
رهف قالت ليها اكيد بس وده هيفيد ايه 
اسماء بصي انا فى واحده جت قريب اشتغلت عنا ممرضه فى قسم النساء والولاده ولما سألنها سبتي شغلك الاولاني ليه قالت اصل كان دكتور شغله 
اللى مشيها بطال وممكن ياخد طفل ويضع طفل مېت مكانه ويقول لأهله انه نزل مېت والدكتور ده حصل لأبنائنا الاثنين حدثه وماتوا أمام عينه وماقدرش يعملهم حاجه جتله حاله نفسيه من شغله وحس ان ده عقاپ من ربنا عشان اللى عملوا وندم على كل اللى عمله وبطل شغل 
اكيد الدكتور اللى يعمل كل كده ممكن يعمل حاجه زى اللى حصلت معاكى صح 
رهف صح طب وده بردو هيفيد فى ايه
اسماء تعالى معايا 
اخدتها وراحت للبنت اللى سابت الدكتور ده 
وقالت ليها بقولك ايه البنت دى حصل معاها حاجه زى اللى كنتى بتحكيها لينا عن الدكتور اللى كنتى شغاله معاه اتعمل ليها عمليه ولاده قيصري من غير ماتعرف وهى كانت نايمه فى الشارع واخدوا ابنها وسابوا جنبها طفل مېت الطب الشرعي أكد ليها انه مش چثة ابنها 
هل تفتكرى حاجه زى كده حصلت عندكم فى العياده بتاعته 
قالت ليها انا هفتكر ايه ولا ايه دول كتير 
اسماء افتكرى بس 
البنتبقولك هفتكر ايه ولا ايه وانا هبص فى وشوشهم ليه عشان يصعبوا عليا وضميري يا انبنى ولا هبص ليه 
اسماء يالا يارهف الظاهر مافيش فايده ولسه ماشيين 
البنتانتى بتقولى أنها كانت نايمه فى الشارع وحصل ليها كده 
رجعت رهف بسرعه وقالت ايوه اكيد رشو بنج عليا وانا نايمه واخدونى وعملوا اللى عملوا وانا كنت على وش ولاده
البنتانا افتكرت حاجه بس الله واعلم انتى ولا واحده تانيه 
رهف افتكرتى ايه 
البنتانا هقولك بس انا ماليش دعوه بحاجه وماقولتش حاجه وما تجبيش سرتي فى اى حاجه انا لولا انك صعبتى عليا وضميرى بيأنبنى من اللى شاركت فيه ما كنتش اتكلمت
رهف اوعدك باللى انتى عوزاه بس قولى 
البنتفى يوم واحده جت لينا مع صاحبتها وصحبتها دى كانت تعرف الدكتور والواحده دى كانت مرافقه واحد غنى ومتجوز ما بيخلفش غير بنات وحملت منه وهو قال ليها لو خلفتى ولد هتجوزك واكتبلك اللى انتى عوزاه والوالد هيورثنى وكانت على وش ولاده ولما دخلت الولاده الطفل ماټ البنت فضلت تبكي وتقول لصاحبتها هنرجع للشارع تانى دا انا قولت الواد ده هيكون وش الخير علينا 
واخدتها صاحبتها ونزلت ويدوب نزلت وشويه رجعت هى وصاحبتها ودخلوا للدكتور تانى والدكتور كان يعرف صحبتها لانه عمل ليها عملية قبل كده وهما عرفين انه دكتور فا اتفقوا معاه ان فى واحده  على وش ولاده ايه رايك هنجبها ليك متبنجه وانت تكشف عليها بالسونار لو طلعت حامل فى ولد تولدها وناخد الطفل ونبقى نحطها فى اى مكان مع الطفل المېت ده ولا من شاف ولا من درى ولو حامل فى بنت نرجعها مكانها تانى وهنديك اللى تطلبه ولو طلع ولد هنرضيك بمبلغ مش بطال ووافق يومها 
وفعلا أعطاهم بنج رش ورجعوا وجدوها لسه نايمه رشو البنج عليها وجبوها ليه وكشف عليها طلعت حامل فى ولد وولدها واخدوا الولد واخدوها وهى متبنجه هى والطفل المېت ورموها فى الشارع والبنت وقتها قلعت الدهب اللى معاها كله واعطته للدكتور وقالت له مش خساره فيك 
ومشيو 
رهف والبنت دى ساكنه فين 
البنتوانا هعرف منين بقولك ايه انا اللى اعرفه قولته بس على فكره انتى لو جبتي سرتى فى حاجه ولا اعرفك ولا شوفتك بس انا ام وعارفه قد ايه قلبك محروق على ابنك وانا تبت واخاڤ لا يحصل حاجه لاولادى زى ما حصل للدكتور عشان كده قولت ليكى ولو أطول اقول لكل اللى اتضرر هقول بس بردو انا مش عاوزه اروح فى دهيه يعنى وقت الجد هقول ولا اعرف حاجه انتى بقى تتاكدى بمعرفتك 
اسماء طب اسم الدكتور ايه وعنوانه 
البنتبس زي ما قولتلك ما تجبيش سرتي
رهف والله ما هجيب سيرتك 
بس قولى ارجوكى 
البنت قالت على اسمه وعنوانه 
رهف اخدت البيانات وجريت على بره المستشفى من غير ما تغير ولا تستأذن 
اسماء قالت لزميله ليهم تعمل اذن ليهم الاثنين وطلعت وراها لقتها لسه واقفه مش عارفه تعمل ايه 
اسماء تعالى ناخد تاكسي ونقول له على العنوان 
شاوروا لتاكسي وركبوا وادوا السائق العنوان واول ما وصلوا للعنوان وخبطوا على الباب فتحت ليهم البنت الخدامه سألوها عن الدكتور 
قالت الدكتور من مابيقبلش حد والست الهانم اخته مش هنا 
رهف معلش سبينا نقابله الموضوع حياه او مۏت 
الخدامه والله الست هانم اخته
منبها عليا مخلهوش يقابل اى حد لان نفسيته تعبانه جدا من يوم الحاډثه ووفات أولاده الله يرحمهم 
ومن وقتها وهو حالته الصحيه والنفسيه فى النازل وحالته بقت تصعب على الكافر
اسماء احنا هنسأله على حاجه مهمه ابن رهف اللى معايا دى ضايع وهو الوحيد اللى ممكن يدلنا على مكانه 
الخدامه وهو ماله ومال حاجه زى دى وهيدلك على مكانه ازاى مش فاهمه 
رهف هتعرفى لما نقابله ارجوكى خلينا نقابله بقى انا هتجنن وراحت رهف دفعت البنت الخدامه ودخلت بالعافيه لسه الخدامه هتدخل وراها عشان تطلعها
اسماء مسكت ايدها وقالت معلش اعذريها الضنى غالى ودا ابنها اللى ضايع فاهمه يعنى ايه ابنها اللى ضايع دا كويس انها بعقلها لحد دلوقتى 
الخدامه دخلت وراها وقالت ليها طب اقعدى وانا هقول له 
دخلت البنت الخدامه وقالت للدكتور ان فى اثنين عاوزينك بره وبيقولوا كلام غريب كده ان ابن واحده فيهم ضايع وحضرتك الوحيد اللى تقدر تساعدهم 
قال انا مش فاهم منك حاجه اوعى كده لما اشوف مين دول وعاوزين ايه اوعى وقام واتجه ليهم بخطوه بطيئه غير موزونه 
وطلع ليهم وهو بيقول مين انتوا وعاوزين منى ايه انا خلاص بطلت كل حاجه لا بكشف ولا بعمل عمليات خلاص كله راح هشتغل لمين وليه اللى كنت بلم ليهم زى المسعور سابونى وماتوا خلاص وفضل يبكى 
ورجع انتوا مين وعاوزين ايه يالا المقابله انتهت 
اسماء يادى المصېبه هو ده اللى هيقولنا على طريق ابنك دا تايه خالص 
رهف استنى بس يا اسماء اللى حصل ليه ده اكيد من دعاوى الناس عليه وانا اولهم
وقامت راحت قعدت جنب الدكتور وقالت له ارجوك ركز معايا ارجوك انت اللى بأيدك ترجع لى ابنى اللى راح منى
الدكتور اللى راح مابيرجعش صدقينى مابيرجعش انا الاثنين راحوا مع بعض فى ثانيه واحده حد منهم رجع تانى ابدا 
رهف عشان خاطرى ارجوك اسمعنى طيب 
الدكتوراسمع ايه 
رهف انا فى بنتين جابونى ليك مټخدره من كام شهر وانت عملت لى عملية ولاده قيصريه واخدوا ابنى بدل ابنهم اللى اتولد مېت والبنت اللى كانت معاها انت تعرفها  
الدكتورانا عملتلك عمليه انا بطلت يابنتى ما خلاص ورجع كرر كلامه هشتغل ليه وعشان مين 
اسماء يوو دا باين كده مافيش فايده فيه وبعدين
رهف لا مافيش فايده فى مين دا لازم يفهم ويتكلم 
ومسكت رهف فى درعاته لا بقولك ايه اسمعنى كويس انت لازم تتكلم يا اما والله اخنق بأيدى 
ولسه هتمسك فيه دخلت اخت الدكتور وقالت ايه اللى بيحصل 
انتوا مين وانتى ماسكه فى اخويا الدكتور كده ليا 
وندهت على الخدامه وزعقت فيها انا مش قولت ليكى ما تدخليش حد يقابل الدكتور 
الخدامه والله ياست هانم اصل 
رهف بصت ليها وقالت اخوكى الدكتور اللى زعلانه عليه اوى كده خطڤ ابنى من بطنى واداه لغيرى عشان الفلوس والطمع 
اخت الدكتورانتى مجنونه ولا ايه ايه الكلام اللى بتقوليه ده 
الدكتوراه دى مجنونه اه فعلا مجنونه كانت عاوزه تموتنى 
اسماء بصت لاخت الدكتور وقالت بقولك ايه هتسمعى مننا ونحل الموضوع بالذوق كده ولا ننزل على القسم ونعمل بلاغ ويجبوه هما يحققوا معاه ويعرفوا كل كبيره وصغيره واحنا عندنا شهود على اللى عمله فى الغلبانه دى وفى ابنها 
اخت الدكتور عارفه كويس اللى اخوها عمله فخاڤت عليه فقالت اقعدوا فى ايه انا مش فاهمه حاجه من اللى قولتوها 
رهف انا هكلم فيكى ضميرك هخاطب امومتك انا ابنى ضاع منى 
انا كنت اتطلقت من فتره واهل جوزى طردونى فى الشارع ونمت فى الشارع وانا على وش ولاده جم بنتين منهم لله رشوا عليا بنج وبنجونى واخدونى لاخوكى الدكتور وولدنى قيصري واخدوا ابنى وحطوا لى ابنهم المېت 
اخت الدكتور وانتى عرفتى منين الكلام ده وانتى بتقولى انك كنتى متبنجه ومش حسه بحاجه 
رهف دا موضوع كبير وحوار يطول شرحه هبقى اقولك عليه بعدين بس ارجوكى ابوس ايدك ساعدتى انا هتجنن دا ابني انتى عارفه يعنى ايه ابنى 
اخت الدكتورطب اخويا الدكتور وزى ما انتى شايفه مش دارى بنفسه من ساعة أولاده ما ماتوا وامهم بعديهم وانا جيت قعدت معاه لانه بقى غير مسؤل عن نفسه تفتكرى هيقدر يفيدك فى ايه وهو بالشكل ده
اسماء فكرت واخت الدكتور بتتكلم انا هقولك ممكن انتى تفدينا ازاى وتكسبي ثواب فى الغلبانه دى
وترجعى ابن لحضن امه يمكن ده يخلي ربنا يسامح اخوكى على اللى عمله فيها 
اخت الدكتور اتفضلى قولى 
اسماء اكيد الممرضه كانت بتقيد عمليات الولاده والكشف كل يوم صحيح ممكن ما تسجلش عملية رهف بس اكيد هتسجل كشف وولادة البنت اللى