حكايه رهف

على زعلها ولا بعدها
والد حازم ياواد بطل لماضه اطلع انا مش قادر اتكلم ما تتعبنيش
حازم طلع على فوق وخبط على الباب فتحت رهف ولما لقته أمامها دخلت جوه وهى بتقول ايه طالع تكمل تهزيق فيا وزعيق
حازم لا انا طالع لانى رجعت نفسي ولقتنى انى كنت قليل الذوق معاكى وكان المفروض انى اشكرك بدل ما ازعق معاكى وانا طالع ليكى بنفسي عشان اعتذرلك ياترى هتقبلى اعتذارى ولا هتكسفينى
رهف انا اكسفك انت ما تعرفش غلاوتك عندى ياحازم وهى بتبص فى عنيه
حازم ارتبك وحس انهم فى وضع داخل على طريق غلط وان قعدتهم مع بعض فى غرفه واحده مش كويس راح واقف وقال ممكن بقى تنزلى معايا عشان والدى يصدق انك مش زعلانه 
وفعلا نزلت معاه
الاسطى خالداوعى تكونى لسه زعلانه الواد ده اعتذرلك ولا املصلك ودانه وبعدين فى حد يزعل من حازم هو انتى مش عرفاه وعرفه قلبه الطيب
رهف هو فى زى حازم فى طيبت قلبه انا عارفه ان اللى عمله ده من خوفه عليك ربنا يخليكوا لبعض ممكن بقى تاخد الدواء عشان انا عاوزه اطلع انام
وبعد شهر رجعت الازمه مره اخرى لوالد حازم ولكن المره دى كانت الازم صعبه جدا ورقد فى المستشفى فتره بس المره دى الازمه أدت الى ۏفاته 
وقبل ما يتوفى قال لحازم لو مت ياحازم ما تتخلاش عن رهف وترميها فى الشارع دى بنت غلبانه وملهاش حد والدنيا جيا عليها حاول الاول تشوف ليها شغلانه كويسه وتفضل جنبها لحد ما تقف على رجليها وتقدر وتوفر سكن ليها وياريت لو قدرت تساعدها فى العثور على ابنها ساعدها يا ابنى انا كنت واعدها اساعدها بس ربنا ما اردش
وفضلت رهف قاعده فوق بس طبعا سالى ما سكتتش على كده وقالت له ممكن اعرف بعد ۏفاة والدك ايه اللى مقعد الهانم دى فوق
قال ليها بابا وصانى قبل ما ېموت انى ادور ليها على شغل وافضل جنبها لما تقدر تعتمد على نفسها وتقدر توفر لنفسها مكان تعيش فيه
سالى بقولك ايه لا تقول لى وصانى ولا ماوصنيش انا مليش دعوه بالكلام الفارغ ده انا بدأت احس ان بينك وبين البنت دى حاجه وانا عمرى ما هقبل كده ابدا يا انا يا هى ولازم تختار دلوقتى حالا
حازم يابنت الناس بلاش الكلام ده متعقديهاش 
سالىانا معقدتش حاجه انا بتكلم فى الصح والأصول وده حقى ولازم ادافع عنه وانت عليك تختار انا صحيح مش بيعاك بس بردو مش هتنازل عن حقي وزى ما قولت لك وانت اللى فى ايدك الاختيار 
حازم سكت ومش عارف يعمل ايه ولا يقول ايه
سالى نزلت دموع من عينها اعتبرت سكوته انه ضحى بيها واختار رهف  
سالىانا كنت حاسه من الاول
ولسه هتخعل الدبله عشان تديها له
حازم مسك ايدها انا لسه ما قولتش ليكى قرارى 
انا موافق انى اخرجها من البيت بس مش هقدر اتخلى عن مساعدتها لحد ما تجد شغل ويستقر بيها الحال
سالىمش فاهمه تقصد ايه
حازم هدور ليها على غرفه بره وهدفع ليها الإيجار وهخصص ليها مبلغ كل شهر تصرف منه لحد ما اجد ليها شغل 
سالى لحد ما تجد ليها شغل ماتروحش ليها المكان اللى هتقعد فيه والمبلغ تبعته مع اى حد ووقت ما تشتغل ما اسمعش عنها حاجه تانى خلاص 
حازم ماشي
تانى يوم سالى قبلت حازم وقالت له انا وجدت سكن ليها تعالى معايا اتفق مع صاحب المكان وتنقلها النهارده 
راح معاها حازم واتفق مع الراجل على ايجار المكان بس بعد ما اتفق قال له هروح اجيب اللى هتقعد فيه وحاجتها
صاحب المكان قال له هى وحده وهتقعد لوحدها 
حازم ايوه ليه
فيها مشكله دى 
صاحب المكانايوه طبعا فيها دى العماره كلها شباب عاوزنى اقعد وحده لوحدها فى العماره وسط الشباب دى كلها لا يا استاذ انا اسف انا مش ناقص مشاكل وفضايح 
سالى يا استاذ وهى مالها ومالهم ما هما فى حالهم وهي فى حالها 
صاحب المكانوانا ليه احط الڼار جنب البنزين انا اسف ياجماعه مش هينفع وادى العقد اهو 
ومسك النسختين قطعهم 
حازم اخد سالى ومشي 
سالى وبعدين احنا مش هنخلص ولا ايه انا مش فاهمه والله هى من بقيت اهلك عشان تشيل همها كده وبعدين ما تقولها تدور هي 
حازم معلشي بلاش اقول ليها تدور هى على مكان لحسن تفتكرنى بترضها من الشقه وتمشي من غير ما تلاقى مكان 
سالىياريت يا اخى وتبقى ريحت 
حازم ما انا فهمتك ياسالى هنتكلم تانى فى الموضوع ده
وبعدين انا اللى مش فاهم مالك مش واثقه فيا كده 
لازم يبقى فى ثقه شويه ولا ايه
سالى الثقه موجوده وكل حاجه بس الغلط غلط وعلى الراجل وليه نسيب الڼار جنب البنزين 
ضحك حازم ماشي ياست سالى براحتك
وفضلت سالى مش ساكته كل يوم والتانى لحد ما فعلا قدرت توفر ليها مكان تقعد فيه وبعد ما اتفقوا قالت لحازم ممكن بقى نروح نقولها تنقل ولا ايه
حازم خلاص يا سالى انا هبلغها 
سالى لا ياحبيبي هطلع معاك إياك تطلع ليها لوحدك 
حازم وبعدين معاكى ياسالى 
سالى بدلع ايه بغير عليك مغيرش عليك ولا ايه 
يالا بقى ريحني عشان خاطرى
حازم حاضر اتفضلى 
ووصلوا للبيت وطلعوا وخبطوا على الباب طلعت رهف  
واول ما شافتهم استغربت مجيتهم الاثنين مع بعض وقالت اتفضلوا 
سالي لا ياحبيبتي اتفضلى انتى معانا 
رهف اتفضل على فين مش فاهمه 
حازم اصل احنا أجرنا غرفه ليكى فى مكان تانى انتى عارفه بقى احنا هنحتاج الشقه عشان الجواز عقبالك
سالىولا مش عشان الجواز عشان ماينفعش قعدتك هنا ولا ايه
حازم خلاص يا سالي خلصنا بقى مالوش لازمه الكلام ده
رهف هى عندها حق حاضر هدخل اجيب حاجتى بعد اذنكم ودخلت وهى الدمعه فى عينها 
حازم قال ليها لحد ما تجهزي هبعت اجيب عربيه صغيره تنقلك شوية الحاجه 
رهف بس الحاجه اللى فوق دى مش بتعتى 
حازم والدى الله يرحمه جهزلك بيهم المكان عشان تقعدى فيه وهما طلعوا من زمته انهم ليكى يبقوا بتوعك 
وخرجت نزلت معاهم واول ما وصلوا المكان ودخلت المكان اللى هتقعد فيه وساعدها حازم ودخل ليها حاجتها وبعد ماخلصوا ساب حازم مبلغ ليها وقال هبعتلك مبلغ كل فتره ومش هسكت لحد ما اجد ليكى شغل وانتى من ناحيتك وانا من ناحيتي وان شاء الله تلاقى شغل علطول مش عاوزه حاجه 
رهف شكرا تعبتك معايا وكتر خيرك على اللى عملته معايا 
خرجوا وقفلت الباب وقعدت تفكر فى اللى حصل ليها وهى بتقول يعنى حتى رضيت بأنى اشوفه قدامى وبس حتى لو مش ملكى يبعد هو عنى ديما كده كل حاجه تروح منى وفضل شريط حياتها يسير أمام عنيها وهي پتبكي لحد ما نامت 
وتانى يوم اول ما صحيت قالت وانا هفضل كده قاعده افرض هو الدنيا خدته ونسينى اموت انا من الجوع انا كان لازم من الاول ابحث عن شغل وفعلا قامت غيرت واكلت حاجه بسرعه كده تعنها على اللف والبحث 
وفضلت تلف طول اليوم تدور على اى شغل بس للاسف اكمنها ما كملتش تعليمها كان فرصتها قليله وتعبت من اللف وكان بدون فائده روحت وهى تعبانه ومنهكه تماما وتانى يوم نفس الكلام وفضلت على كده اقل من اسبوع لحد ما فى يوم سمعت حد بيخبط على الباب فتحت وجدت حازم أمامها 
حازم ازيك يارهف عامله ايه
رهف اتفضل انا كويسه الحمدلله وحضرتك اخبارك ايه 
حازم الحمدلله انا جيت اقولك تجهزى بكره الساعه ٨ الصبح 
هعدى عليكى اخدك فى سكتى وانا رايح الشغل هوديكى لمستشفى لقين ليكى فيها شغل هيا بعيده شويه بس صحبي بيشكر فى الناس اللى هتشتغلى تحت ايدهم هو فى الاول هتبقى عاملة وصحبي هيوصي عليكى يدربوكى على حاجه افضل انا قولت له انك بتعرفي تقراى وتكتبي قال لى خلاص تمام هو هيظبط الدنيا
رهف كتر خيرك انا تعباكم معايا ديما انت ووالدك الله يرحمه
حازم خلاص اعدى عليكى القيكى جاهزه واعملي حسابك انك ممكن تستلمي الشغل بكره علطول لان هما عندهم نقص ومحتاجين حد ضرورى سلام
رهف سلام وقفلت الباب 
تانى يوم حازم عدى عليها
واخدها ولما وصلوا اتحرجت تقول له بس دى بعيد اوى لحسن يقول انها بتدلع 
بس هو حس أنها استبعدت المكان وهيبقى تعب عليكى تروحى وتيجي كل يوم بس هو شويه وبعدين تبقي تأجري حاجه قريبه من المستشفى 
رهف فى بالها للدرجه دى عاوز تخلص منى وتبعدنى عنك
رهف اه اه لا بعيده ولا حاجه 
ودخلوا قبلوا صاحب حازم خلها وسلمها الشغل 
حازم هتعوزى حاجه 
رهف لا شكرا تعبتك معايا
حازم طب سلام انا بقى هتعرفى ترجعى لوحدك 
رهف اه ان شاء الله 
رئيسها فى الشغل نده على زميله لها وقال خدى رهف سلميها عهدتها وفهميها شغلها 
راحت رهف مع أسماء زميلتها وقالت رهف انا اول مره اشتغل فمعلش هتتعبي معايا شويه 
اسماء ما تقلقيش انا هفهمك كل حاجه 
وعرفتها اسماء شغلها واتصحبوا على بعض وفضلوا يتكلموا طول اليوم وفى اخر اليوم وهما خارجين من المستشفى 
اسماء تعرفى يارهف صحبتى الانتيم اللى كانت شغاله معايا هنا اتجوزت من اسبوع وسابت الشغل وانا كنت زعلانه اوى بس باين كده ربنا هيعوضنى بيكى شكلك بنت طيبه وجدعه 
رهف ربنا يخليكى يا اسماء تعرفى انا من زمان كان نفسي يكون ليا صاحبه تبقى زى اختى احكى ليها اللى جوايه وتشاركنى كل لحظه انا عدى عليا لحظات كتير صعبه واللى صعبها عليا مليون مره اكتر انى كنت ديما لوحدى 
اسماء انتى ساكنه فين قريب من هنا
رهف لا دا انا ساكنه بعيد 
اسماء ايه رايك تيجى تقعدى معايا شويه 
رهف لا انا لسه امامى مشوار قولى لى بس اركب منين 
اسماء لسه هتقول ليها تركب منين
سمعت حد بينده على رهف  
رهف بتبص لقيته حازم 
رهف فرحت اوى وابتسمت 
اسماء مسكت ايد رهف ايه ده مين المز ده يابت 
رهف مش وقته سلام
اسماء اه يابنت الايه بكره مش هسيبك الا لما اعرف وعماله تقولى لى انك وحيده ماشى 
سابتها رهف وهى متجه لحازم ومش مصدقه انه رجع ليها عشان يوصلها قربت منه وهى ساكته 
حازم انا لقتنى خلصت شغلي فى ميعاد خروجك اللى كان صاحبي قايل لى عليه قولت اعدى عليكى اخدك بالمره لان اكيد هيبقى صعب عليكى ترجعى ده كله من اول يوم كده
رهف تسلم ياحازم 
دا انا كنت لسه بسأل زميلتى هروب ايه ومنين بس ليه تتعب نفسك تعباك معايا ديما كده
حازم تعبانى فى ايه يالا
ورجعوا مع بعض ووصلها وقال ليها محتاجه حاجه اجبهالك قبل ما امشي 
رهف لا متشكره اوى لتعبك
وتانى يوم فى المستشفى 
اسماء تعالى يارهف قولى لى بقى اى حكاية المز اللى عدى عليكى امبارح ده 
رهف طب اصبري نستلم الورديه ولما نبقى فاضيين