براءة انثي
رقم واحد منهم هبعت له التسجيل اللى مسجله ليهم وصور من العقد وكمان ان العداد مكتوب باسم والدك وهحاول اساومهم بأنى هعمل محضر بكل ده وانى هوصل للمشتري بأي طريقه وهعرفه بالمشاكل اللى على البيت
وربك يعمل الخير بس انا عاوزك ما تنزليش وحدك الفتره دى
عشان الناس دى واضح انهم مش ساهلين وانا خاېف عليكى
حازمفى ايه يا بنتى انتى بصالى كده ليه مالك انتى فيكى حاجه
كانت بسمه سرحانه لانها كانت قررت تعترف بحبها ليه ولسه بتقول له اصل انا بحبك فجأها حازم بكلامه وبيقول ليها تعرفى ان سلمى وحشتنى اوى بس دى اخر مره كلمتها زعلت اوى وقفلت الخط ومن وقتها مش راضيه ترد عليا
وقررت بنها وبين نفسيها انها توصل لسلمى وتتكلم معاها عشان تصالحهم مع بعض
وقالت لحازم وقلبها بيتقطع طب ما تروح ليها بدل ماهى مش راضيه ترد عليك
حازمتفتكرى لو روحت ليها هترضى تقابلني
بسمهلو بتحبك هتسمحك هترضى مادام روحت لحد عندها
حازمخلاص انا هروح ليها دلوقتى
حازماه عشان تشوفك معايا تتقندل اكتر لا ياستى متشكرين انا هروح لوحدى
انا داخل البس
ندهت بسمه على حبيبه وقالت ليها تعالى معايا
حبيبهعلى فين
بسمههننزل وراء حازم عشان عاوزه اعرف مكان سلمى
حبيبهليه
بسمهعشان لو حازم ماعرفش يصالحها
انا هروح وهتكلم معاها عشان انا السبب فى خصمهم مع بعض هو قال لى كده كذا مره
بسمهما قولت ليكى عشان انا السبب وهو ديما واقف جنبى ومايستحقش كده ابدا يالا ندخل نلبس اي حاجه بسرعه قبل ما يخرج
وفعلا نزلوا ورائه ووقفوا تاكسي وطلبت منه انه يتبعه وفعلا وصلوا ونزلت من التاكسي لما حازم نزل وقالت للسائق ممكن تنتظرنا شويه وهنحسبك على العطله فقال ليها بس ما تتاخروش عليا واعطته مبلغ تحت الحساب
انهت الموضوع من ناحيتها ونزل حازم وهو متعصب وعلى وجهه خيبة الأمل وعمال يتلعثم بالكلام
وقفت بسمه ومحتاره تطلع دلوقتى ولا تفهم الاول ايه اللى حصل وكمان تلاقيها مټعصبه اوى دلوقتى ومش هتقبل اى كلام
فرجعت هى وحبيبه عند التاكسي فحبيبه قالت ليها هتعرفى تيجى هنا تانى
حبيبهخلاص تعالى نطلع ليها دلوقتى وخلاص
بسمهبس تلاقيها دلوقتى متضايقه ومټعصبه واول ما هتعرف ان انا بسمه هتتجنن وممكن تطردنا
فنظرت بسمه للسائق وقالت له هو انا ممكن اخد رقم تليفون حضرتك عشان لو حبيت ارجع هنا تانى اتصل عليك عشان تجبنى لهنا تانى
السائقتحت امرك
وركبوا وقالت تمام طب رجعنا حضرتك ما كان ما ركبنا معاك
وفعلا رجعوا
وحازم اول ما شفهم داخلين بعده زعق فى بسمه انتم كنتوا فين انا مش قولت ماتنزلوش لوحدكم انتى ما تسمعيش الكلام ليه وبعدين معاكى انا من وقت ما شوفتك وانا فى مشاكل انا زهقت الكلمه اللى اقولها تسمعيها انتى فاهمه يا اما تروحى لحالك مادام مش هتسمعى الكلام
ودخل غرفته وسابهم
بسمه فضلت تبكي وتقول انا لازم امشي هو عنده حق هو انا بالنسبه له ايه عشان أحمله همى واتعبه بمشاكلي واجلب له المشاكل
فضلت حبيبه تطبطب عليها ونقول ليها معلش ما تزعليش هو بس اعصابه تعبانه
خرجت والدت حازم فى إيه
حازم كان بيزعق لمين
حبيبهكان بيزعق لبسمه عشان نزلنه
والدتهمعلشي يا بسمه هو خاېف عليكم انتى ناسيه الناس اللى خطفكوا وبعدين وانتوا روحتوا فين كده
حبيبهاصل بسمه كانت عاوزه تعرف مكان سلمى عشان تكلمها بخصوص موضوع حازم
والدتهبلاش يا بسمه تدخلى انتى يابنتى سبيهم هما يتصافوا مع بعض
بسمهحاضر اللى تشوفيه
انا كده كده هشوف هعمل ايه عشان كفايه عليه اوى كده انا تقلت عليه اوى
بس حازم بقى باين عليه الحزن والكئابه واتغير فى معملته لبسمه
وبسمه كانت بټموت من جواها وهى شايفه حازم بالشكل ده وخصوصا انها السبب فى اللى هو فيه
وكل ما بسمه تطلب منه يروح معاها عشان تشوف صرف المعاش خلص ولا لا
او تسأله عن عمل ايه مع اللى واخدين البيت
يقول ليها انا عندى شغل كتير اليومين
دول ومش فاضي
وأصبح يتجهلها تماما كأنها مش موجوده فى البيت
وفضل على كده لحد ما والدته قالت له روح معاها يا ابنى شوف موضوع المعاش ده وعرفها تروح ازاى لوحدها بعد كده ما جتش من يوم كمان اجازه
وفعلا رجع من الشغل فى يوم وهما قاعدين وقال لبسمه اعملى حسابك اننا بكره رايحين بدري المعاشات
وفعلا راحوا وبدأ يطلع ليها معاش والدها
واول حاجه طلبتها من والدته انها تشوف ليها مكان تأجره عشان تقعد فيه
وقالت انا مش هفضل كده قاعده هنا علطول
والدتهما انتى قاعده معانا يابسمه احنا اخدنا على وجودك معانا وبعدين بلاش تقعدى لوحدك يا بنتى
بسمهلا انا لازم اتعلم اعتمد على نفسي وده مش هيحصل الا لما اقعد لوحدى واكون مسؤوله من نفسي وبعدين كده كده مش هفضل قاعده هنا كفايه اللى اتسبب فيه لحازم
والدتهطب مادام مصره انا سمعت ان فى شقه فى العماره هنا صغيره نأجرهالك واهو تبقى قريبه مننا انتى بقيتى زى بنتى يابسمه وحازم بكره يروق دا ابنى وانا عرفاه
وبعد ما أجرت الشقه قررت انها تروح لسلمى وتتكلم معاها على اساس انها دلوقتى مش قاعده معاه فى نفس الشقه
وفعلا اتصلت على السائق وطلبت منه انه يجى يوصلها
وفعلا راحت وطلعت خبطت على باب الشقه
فتحت سلمى فسالتها بسمه انتى سلمى
سلمىايوه انا سلمى انتى مين
بسمهانا بسمه
سلمىبسمه مين
بسمهانا بسمه اللى كنت قاعده فة شقة حازم على فكره انا دلوقتى قاعده فى شقه لوحدى وحازم ما بقاش ليه اى علاقه بيا خالص وانا عشان حاسه ان كنت السبب فى المشكله اللى بنكم ضميري انبنى وقولت لازم اجى أصلح الأمور
بس سلمى فاجئتها بالرد
وقالت الكلام ده فات أوانه انا خلاص دلوقتى مخطوبه وبنجهز لكتب الكتاب قريب بيتهيألي ان دا خبر يبسطك ما انتى السبب فى اللى انا فيه ده كله وفرقت بينى وبين حب عمرى وده كان من اول يوم شافك فيه حازم تخيلى اول يوم شافك فيه كان المفروض جه وقابل والدى فيه وخطبني اتسببتى فى تأخيره على الميعاد وسافر والدى وهو رأيه فيه ان شاب
مستهتر وقليل الذوق
لا وانتى كملتي بقى ولذقتى ليه ووقعتى ما بنا لحد ما خلتينى رضخت لراغبة والدى ولأحساسه بأن حازم شخص لعبي وغير مسؤول ارغمنى وغصبنى على قبول الزواج من خطيبى الحالى وادينى هتجوز واحد زى اى واحد وضيعتى عليا حبي اهو عندك اشبعي بيه ويارب تكونى مبسوطه
ولسه بسمع هتقول ليها بس لسه أمامك فرصه قبل كتب الكتاب
كملت كلامها وقالت ودلوقتي اتفضلى لو سمحتى وبلاش تعيشي فى دور المضحيه لا احب اقولهالك بصراحه انتى الجانى ولو حتى فى فرصه انى اسيب خطيبي وارجع لحازم وان كان ده صعب فأنتى هتظلى حاجز وعائق بينا
قامت بسمه وراحت خرجه من عندها
ورجعت على شقتها وهى مشاعرها واحاسيسها متلخبطه مش عارفه هى مبسوطه وفرحانه عشان حازم أصبح الطريق ليه بدون عائق ولا ضميرها بيئنبها انها اتسببت فى حرمانهم من بعض وخصوصا انها حاسه بحب حازم لسلمى
بس حست انها اراحت ضميرها بمروحها لسلمى وان صحيح انها السبب فى فراقهم بس دون اى قصد منها
ومرت الايام وكانت تنزل دائما تجلس مع والدت حازم وحبيبه ولكن كان حازم يتحاشى الحديث معها إلا مجرد إلقاء السلام بصفه عامه عند وجودها
حتى مره جالسه مع والدته ودخل حازم وهم جالسين فأتجه نحوها وقال لها على فكره الناس اللى واخدين البيت اتصلوا عليا ووفوا بواعدهم ليا وعاوزين نروح نحضر عملية البيع وناخد نصيب اخوهم اللى ڼصب عليكم وانك تمضى معهم فة جانب البائع بموجب انك الوريثه الوحيده لوالدك وده حتى يطمئن الشارى تماما
ورجع حازم قال وانا شايف ان ده انسب حل لان لو دخلنا فى قضايا معاهم هتقعد سنين وسنين والله واعلم ايه النتيجه اهو انتى كده كده مأجره شقه واللى هيطلع ليكى اعملى بيه مشروع صغير يدخلك اى مبلغ او اودعيه فى البنك وهيطلع منه فوائد
بسمهاللى انت شايفه انا راضيه بيه وكتر خيرك لو لاك ما كنت طولت اى حاجه اصلا
حازملا ابدا دا أقل حق ليكى ما تنسيش الميعاد بكره اخر النهار
وسابها ودخل
ولسه داخل رجعت بسمه ندهت عليه وقالت له انت
بتعمل فيا كده ليه بتعاقبنى بقلة كلامك معايا ليه تقدر تقول لى انا ذنبي ايه عملت ايه ليك هو انا كان بأيدى حاجه
تقدر تقول لى ايه انا عملته بنفسي مش ظروف أجبرت عليها عشان انت تعاقبني عليها بخصمك وقلة كلامك وانت عارف كويس اوى انك كده بتعذبني ليه الدنيا كلها عليا حتى انت اللى كنت مش شايفه غيره فى الدنيا سند وعون ليا انا لولاك ما كنت عشت لحظه بعد ۏفاة والدى وقوفك جنبي قوانى وخلانى تخطيت اللى عمرى ما كنت اتخيل انى اتخطاه تيجى انت وتعمل فيا كده وتقفل أمام عينى اخر مجال للنور
وفضلت تبكي وسابته وخرجت من الشقه وطلعت على شقتها
قامت والدت حازمليه يا حازم بتعمل فيها كده هى صحيح ذنبها ايه يا حازم انت اللى اخترت الطريق ومشيت فيه يبقى انت اللى تتحمل مسؤولية قرار وقوفك جنبها بتلومها عليه ليه
حرام ياحازم دى انسانه وحيده فى الدنيا وانت الأمل بالنسبه ليها يبقى بلاش ټموت عندها اخر امل
حازم وقف يفكر شويه وقال لحبيبه تعالى معايا
واخدها وطلع عند بسمه
خبط على الباب فتحت بسمه وهى مازالت تبكي
واعطتهم ظهرها وكانت داخله على غرفتها مسكها حازم من ذراعها وقال ليها انا مش باعقبك زى ما انتى فهمه انا كنت بعاقب نفسي لأنى حسيت انى قصرت فى حق سلمى فصعبانه عليا لانها كانت بتحبني زى ما كنت بحبها وانا اللى اقټلك الحب ده جواها
وهي مالهاش ذنب غير انها حبتني ووثقة فيا
بسمه انا اسفه
كان نفسي ما كنش طرف فى إنهاء العلاقه دى بس انا ما كنش بايدى حاجه ولا كنت اقصد اى حاجه من اللى حصلت
حازمبقولك ايه يا بسمه تتجوزيني
بسمه وهى فى حالة زهول وكأنها مش مصدقه اللى سمعته
انت بتقول ايه يا حازم
حبيبه ايه انتى ما بتسمعيش بيقولك تتجوزيني
بسمهصحيح انت قولت كده ياحازم فعلا
حبيبه انا واقفه يااستاذ
حازم فاق لنفسه ها...
قولتى ايه
يابسمه
حبيبه انت لسه بتسالها انا مش عارفه شباب ايه بتاعت الايام دى فهمهم تقيل اوى
قولى له يابسمه
بسمه يعنى هو مش عارف رأي يعني
وقعدوا يتكلموا شويه وهو نازل قال
