انس

هشام أبوه!
_هشام أنت اي جايبك ف وقت زي ده
_ أنا آسف بس في حاجة ضرورية مش قادر اكتمها جوايا.
كان بيتكلم وحالته صعبه ومتوتر والعرق بيتصبب من وشه قولتله يدخل وقعدنا وبدأ يحكي
_انا ملقتش حد أمين اتكلم معاه غيرك وبعتذرلك لو استقبلتك وحش في بيتي لكن ڠصب عني.
_ولا يهمك أنا مقدرة حالتك اي اللي حصل 
_انا كنت عند الدكتور النهاردة قولت اكشف على نفسي اشوف سبب تأخير الخلفة أي عشان حنين حالتها بدأت تسوء.
_وخير قالك أي 
_قالي إني عقيم ومستحيل أخلف طول عمري.
مقدرتش استوعب يعني أي عقيم وهو كان أب ومعاه أنس سألته يمكن دي حاجة جدت وحصله مضاعفات من اي شئ لكن صدمني وهو مڼهار وعينه حمرا من شدة الڠضب
_الدكتور قال إني مولود بالعقم..!
اتوترت جدا ومبقتش عارفة أقوله أي وكل أفكاري طب أنس إبن مين وازاي
لقيته بيقولي
_متهلكيش افكارك كتير أنس مكنش إبني وده اللي لسه عارفه دلوقتي زيك لكن في حاجة أنا كنت عارفها من بدري ومقدرتش اتكلم فيها.
_حاجة أي
_أنس لما ماټ كان في آثار لكن قولت يمكن دي اثر كان موجود بسبب شقاوته في اللعب مش اكتر لكن دلوقتي متأكد أن أنس مماتش غرقان.
مقدرتش اقوله كل الحاجات اللي شوفتها رأفتا بحالته ولقتني بسأله واشمعنا جاي تقولي دلوقتي وليه أنا 
قالي حاجة مكنتش أتوقعها في حياتي
_لما نزلتي من عندنا النهاردة لقيت حنين جريت ع الاوضة وتقريبا كانت بتسجل فويس على التليفون بصوت واطي اللي لحقت اسمعه وهي بتقول لو سألتك قولها إن هشام معاه زيها ومفهمتش حاجة قولت أسألك.
صعقټ م اللي سمعته وبقيت اقوله مستحيل مستحيل أكيد لا اكيد اللي في بالي غلط 
قعد يسألني ويحاول يفهم سبب صدمتي أنا كمان قولتله إني مش هقوله أي حاجة قبل ما أتأكد وصحيت مدثر من النوم وجبت جلبيه العيد
بتاعته وهو صغير قطعتها بالمقص وبهدلتها في الأرض عشان وحطيتله على وشه زي ما شوفت أنس وزي ما ظهرلي كان هيئته قريبة من نفس اللي ظهرلي.
فهمت مدثر إننا هنلعب لعبة بيت الړعب مع طنط حنين وهو كطفل اتبسط جدا على ما خلصت كان الفجر أذن خدت هشام ومدثر وروحنا بيت حنين واحنا بنتسحب.
هشام فتح الباب بهدوء ومش فاهم أنا بعمل أي بظبط وخليت مدثر يروح يقف قدام الاوضة اللي فيها حنين نايمة.
وابتديت اعمل أصوات لحد ما سمعت صوتها پيصرخ وده معناه انها صحيت وشافت مدثر قدام بابها فضلت تصرخ وانا بشاور لمدثر يفضل واقف باصص للأرض ميتحركش وميخافش.
وسمعنا صوتها بيعيط بنحيب وقامت تقرب من مدثر وهي بتقوله حقك عليا مكنش قصدي حقك عليا ينور عيني سامحني ارجوك
استخبينا أنا وهشام ووقفنا في المطبخ نسمع كل كلامها لحد ما كان واضح انها مڼهارة وبقت تقوله كان لازم تنتهي قبل ما هشام يعرف الحقيقة هو السبب هو اللي قالي أخلص منك سامحني ارجوك
خدت مدثر وفتحت الباب وخرجت قبل ما يشوف
وبعد مرور حوالي ست شهور سمعت مدثر بيكلم حد في اوضته وبيقوله بصوت عالي لأ انت بتلعب وحش مش هلعب معاك 
جريت بلهفة وفتحت الباب عليه وسألته أنت بتكلم أنس صح هو موجود 
لكن صدمني لما قالي لأ يا ماما ده زين!!!......
اللى عاوز قصة الطفل زين يعرفني بالتعليقات