حكايه رهف

فى عملهم
وتنزل شقتهم توضبها وتنظفها وتطبخ وتجهز الاكل وتطلع على غرفتهم قبل حضورهم وهما اول ما يجوا يندهوا عليها عشان ياكلوا مع بعض ويقعدوا يتكلموا مع بعض شويه وتطلع تنام فى غرفتهم 
وفى يوم وهما قعدين بعد الأكل كالعاده طلبت منهم انهم يشوفوا ليها شغل 
فقالوا ليها وانتى محتاجه الشغل فى ايه ما انت معانا انتى نقصك حاجه 
فقالت بس انا كده محمله عليكوا اوى وانا مش هفضل كده علطول لازم اشوف حياتى واشتغل 
فقالوا ومين قال ليكى انك حمل علينا وبعدين ما انتى كمان شايله حملنا انتى ناسيه اننا معاناش واحده واحنا الاثنين رجاله ولازم يكون فى واحده فى البيت وانتى فاهمه بقى 
هى فهمت انهم بيلمحوا لزواج حازم منها بس رجعت قالت لنفسها ايه اللى جه فى بالك ده دا انتى اكيد عبيطه معقوله ايه جاب حازم المتعلم الشاب اللى لسه مدخلش دنيا لوحده زي مكملتش تعليمها ومتطلقه مرتين 
وقالت لنفسها اكيد يقصدوا انى اكون خدامه عندهم واعمل بلقمتى ومالو مش احسن من رميتي فى الشارع
ورغم كل اللى جه فى بالها ده كله كانت بردو بتمني نفسها يكون نيتهم زواج حازم منها
ومن كتر تمنيها لكده وان لو ده حصل هتضمن عيشه أمنه ومستقره ويعوضها عن اللى شفته من قسوه وعذاب 
بدأ حبه يتسرب لقلبها وطول ماهما قعدين سواء
على الاكل او بعده وهى بصه ليه وبتسرح فيه وتحلم باليوم اللى هيطلب ايدها فيه ويكون جوزها وكان حازم كل ما يلاحظ نظرتها ليه كان بيحاول يتهرب من نظرتها وبدأ يلاحظ حبها ليه 
وشويه شويه بدا يستجيب لنظرتها ويشاركها بنظراته
ولكن لم يدوم الأمر طويلا 
فقد فاجأها الاسطى خالد بطلب قلب الموازين فقال لها ابني حازم كلها كام يوم وهنروح نخطب ليه بنت بيحبها وكان كلمنى عنها من فتره وكلها كام شهر ويتجاوز ويسبنى والبيت يفضى عليا 
وبعد كده انا هكون لوحدى ومحتاج حد يكون ونس لي وسند وانتى وحيده زي ايه رايك 
رهف مش فاهمه تقصد ايه 
الاسطى خالد هقصد ايه غير الحلال 
رهف تقصد نتجوز 
الاسطى خالدايه رايك وقتها هتكونى ست البيت 
رهف بس انا خلاص جربت حظى ومش ناويه اجرب تانى انا كل اللى هممنى دلوقتى انى القى ابنى واعيش ليه 
الاسطى خالدفكرى كويس يا رهف صدقينى مش هتحسي معايا بفرق السن اللى بنا هستتك وهدور معاكى على ابنك وهربيه كأنه ابني اسمعى منى على العموم انا هديكى فرصه تفكرى وسابها ونزل
رهف قعدت مغ نفسها وبعدين فى الورطه دى معقوله اكون بحب حازم واتجوز ابوه دا اكبر من ابويا كمان ياترى لو رفضت وقفلت الباب فى وشه تماما هيسبنى قاعده فى البيت ولا هيمشينى 
وبعدين اعمل ايه 
وايه حكاية البنت اللى حازم بيحبها دى اول مره اسمع الموضوع ده كان لازم يعنى تتوكسي وتحبيه هتعملى ايه دلوقتى بس انا حسيت ان حازم كان بدا يميل ليا 
وتانى يوم بعد ما رجع حازم والوسطى خالد وندوا على رهف عشان تاكل معاهم كالعاده وهما قاعدين على الاكل والاسطى خالد نظرته لرهف اتغيرت لدرجة ان رهف بقت تتهرب من نظراته ليها وتبص لحازم اللى رجع يتهرب من نظراتها وكأن والده فتحه فى موضوع زواجه منها ولما حست بكده قامت من على الاكل من غير ماتكمل أكلها وكانت طلعه 
الاسطى خالدرايحه فين يا رهف ما تكملى اكلك 
رهف معلش انا حسه انى تعبانه شويه 
الاسطى خالدطب قولتى ايه فى موضوعنا فكرتى انا بكلمك أمام حازم عشان تعرفى أن حازم مش ممانع اننا نتجوز بالعكس دا مرحب 
حازم بيحب راحة والده وبص لحازم مش كده يا حازم 
حازم اه طبعا يابابا اكيد طبعا اي حاجه تريحك وتسعدك انا موافق عليها
رهف مردتش وطلعت على فوق 
حازم بص لولده شكلها اتكسفت منى 
والدهباين كده طب انا هطلع اشوف مالها 
وطلع خبط عليها ودخل فتحت رهف الباب
دخل الاسطى خالد وقال مالك يا رهف ماردتيش عليا ليه
رهف سكتت شويه ورجعت قالت هو انا لو رفضت اننا نتجوز هتمشينى وترجعنى للشارع تانى 
فهم الاسطى خالد أنها رفضاه 
فقال لا طبعا يابنتى انا عمرى ما هتغط عليكى بحاجه زى كده عشان توافقي نتجوز انا عمرى ما هرضى انك تكونى مغصوبه على الجواز منى لازم تكونى راضيه ومقتنعه غير كده لا طبعا
وبعدين قعدتك معانا كده كده فتره مؤقته لان بعد جواز حازم هيطلع الشقه وانتى مش هينفع تنزلى تعيشي معايا 
ساعتها لا هيبقى بمزاجى ولا بمزاجك
رهف عندك حق انا لازم أبدا ابحث عن عمل 
الاسطى خالدافهم من كده ان طلبي اترفض
رهف بصت فى الأرض وماردتش
الاسطى خالدعلى عموم البيت بيتك يارهف  
وسبها ونزل وفضلت كام يوم تنزل تلف تبحث عن شغل وكانت محروجه تنزل تاكل معاهم او تقعد معاهم بقت توضب ليهم الشقه وتجهز الاكل وتاخد اكل معاها وهى طالعه ولما خد منهم ينده عليها تقول ليهم أنها سبقتهم وكلت وهتنام 
وفضلت كام يوم تبحث عن عمل بس دون جدوى وهما بطلوا يندهوا عليها واستمروا على كده 
لحد ما فى يوم حازم طلع ليها وقال انا رايح اخطب النهارده ايه رايك تيجى معانا كانت عاوزه ترفض بس سكتت فقال ليها يالا ادخلى البسي واحنا هنستناكى تحت ونزل
قفلت الباب وفضلت تبكي 
شويه ونده حازم يالا يارهف كده هنتأخر على ميعادنا مع الناس 
الاسطى خالد يمكن مش عاوزه تيجى ياحازم 
حازم هى عايشه معانا وكان لازم اعزم عليها وهى مااعتذرتش ولا حاجه 
شويه ونزلت قالت معلش روحوا انتم انا مش هقدر اروح معاكم
حازم ليه مش هتقدرى فى حد يعتذر عن خطوبة اخوه 
رهف اتحرجت وبصت على لبسها 
حازم فهم ان ماعندهاش حاجه تروح بيها 
فقال طب خلاص انزلى معانا وهنعدى على اي محل وهجبلك
فستان هديه بمناسبة خطوبتى 
رهف لا ملوش لازمه روحوا انتوا عشان ما تتاخروش 
حازم لا خلاص الفستان وطلع من زمتى اتفضلى انزلى امامى يالا يابابا 
ونزلوا كلهم وفعلا عدى على محل ملابس واختار ليها فستان وقال ليها اتفضلى ادخلى البروفه قيسي ده 
اخدت رهف الفستان ودخلت لبسته وطلعت 
حازم واو كأنه متفصل عشانك انا هروح أحاسب 
رهف بتبص على والده وجدته باصص عليها اتحرجت وقالت ربنا يتمم لحازم على خير
قال يارب كان نفسي الفرح يكون فرحين بس الظاهر ان مافيش نصيب 
رهف كل شيء نصيب 
واتجهت لخارج المحل وشويه وخرج هو وحازم واتجهوا على بيت العروسه 
ووصلوا وقعدوا مع الناس واتفقوا على كل حاجه وقراوا الفتحه 
وعدت الايام وبدأ حازم يجهز الشقه ويعدها للزواج 
وفى يوم سالى خطيبت حازم كانت عندهم فى البيت هى ووالدها ووالدها طلب انهم يطلعوا يبصوا على شقة حازم 
حازم ارتبك عشان رهف قاعده فوق وهو ما فتحش موضوع رهف ده مع سالى خطيبته خالص ودخل عليهم والد حازم وهما بيتكلموا 
حازم بابا سالى ووالدها عاوزين يطلعوا يتفرجوا على الشقه
والده فهم انه يقصد هنقول ليهم ايه عن رهف 
بس والد سالى وسالى ما اعطهمش فرصه وقاموا متجهين على فوق وطلع حازم ووالده معاهم وسبقهم حازم على فوق وخبط على الباب 
والد سالىايه ياحازم بتخبط على الباب ليه هو فى حد الشقه ولا ايه
ولسه مخلصش الكلام فتحت رهف الباب
والد سالى وسالى وقفوا مذهولين وبصين لرهف 
سالي مين دى وقاعده فى شقتنا ليه ياحازم مش دى اللى جت معاكم قاعده هنا ليه 
حازم لسه هيتكلم 
رهف حست ان الموقف مش كويس سبقت حازم فى الكلام وقالت انا خطيبة الاسطى خالد
ابتسم الاسطى خالد وقال اعمل ايه اصل بعد ما حازم هيتجوز هو وسالى ان شاء الله هكون قاعد لوحدى فى الشقه 
ومحتاج حد يكون معايا يشوف طلباتى واحتياجاتى
ورهف بنت كويسه وغلبانه وهتكون لي سند وونس انتوا عارفين الوحده وحشه وصعبه احنا بس مستنين تسبقونا واحنا وراكم علطول
سالى ماشي حضرتك حر دى حياتك
بس هى ليه قاعده هنا وفى شقتنا كمان هل ده وضع طبيعي
حازم غير الكلام وقال هبقى اقولك بعدين يا سالى ادخلوا دلوقتى اتفرجوا على الشقه
ومرت الايام ورهف مره تروح تسأل الظابط عن ابنها بس الواضح أن القضيه اتحفظت وما قدروش يوصلوا لأى حاجه
ومره تروح ناحية بيت اهل جوزها وتراقب من بعيد يمكن يكون جوزها رجع او تشوف طفل صغير مع حد منهم بس ماوصلتش لأى حاجه
وحددوا موعد الجواز بعد اربع شهور يكون الشقه جهزت ويكون كل منهم وفر المطلوب منه تجهيزه
وكانت سالى متضايقه من قاعدة رهف فى البيت وخصوصا انها حست بعض الشيء بأعجاب رهف بحازم بنات بقى زي بعض ويفهموا بعض كويس
وكانت كل ما تفاتح حازم فى الكلام ده وان رهف لازم تمشي من البيت لأن الوضع ده مش صح
يقول ليها دى هتبقى فى يوم من الايام زوجة والدى ولو زعلتها او مشتها انا كده هزعل والدى
سالى اه ما انت لازم تقول كده ما انت مبسوط من قعدتها معاك
وينتهى الكلام بزعل
وكان الكلام ده بيحصل كل فتره
لحد ما فى يوم رجع الاسطى خالد وزميله فى الشغل سندينه وشكله تعبان خالص وكان حازم مسافر عند واحد صحبه
سمعتهم رهف وهما بيفتحوا باب الشقه وبيدخلوا الاسطى خالد وواحد بيقول حد يتصل على حازم ابنه عشان يجى يخلى باله منه
نزلت رهف وقالت ماله الاسطى خالد ايه جره ليه
قالوا ليها ابدا تعب شويه وخلينا دكتور يكشف عليه كتب له على العلاج ده و قال لازم يرتاح فى البيت وحد يتبعه ويرعاه عشان حالته الصحيه مش مطمئنه والأفضل يتحجز فى مستشفى
فاحنا قولنا نجيبه لحازم ابنه وهو يشوف هيعمل ايه هو حازم ابنه مش هنا ولا ايه
رهف لا دا هو مسافر انا هبلغه متشكرين ياجماعه تعبناكوا معانا
وفضلت قاعده جنبه وتعطى له الدواء فى مواعيده وتعمله اكل وتأكله وتسنده يدخل الحمام وفضلت جانبه
وماردتش تقلق حازم وتجيبه وهو مخضوض على والده وسبته يجي برحته
ولما رجع حازم وعرف بتعب والده قال ليه ازاى ما تقوليش لى انه تعبان كان المفروض تعرفينى وزعق معاها
سمعهم والده قال له ياحازم يا ابني بدل ما تشكرها بقعدتها جنبى ومراعتها ليا تيجى تزعق ليها أنها معرفتكش
ماحبتش تقلقك عليا
راحت طلعت رهف على فوق وسابتهم زعلانه من كلام حازم 
والد حازم مالكش حق ياحازم ياعنى ده جزاتها انت لازم تعتذر ليها هى ما عملتش حاجه غلط بالعكس
حازم بس يابابا ازاى تدى نفسها حق أنها تقرر انى معرفش بمرضك افرض لا أقدر الله جرالك حاجه
والد حازم حقك تزعل لو هى ماقدرتش تشيل مسؤوليتى وقصرت فى رعايتى إنما هى كانت قد المسؤولية وماقصرتش معايا فى اى حاجه ومن حقها انك تعتذر ليها وتشكرها اتفضل
حازم حاضر يابابا بس ادخل انت استريح وانا اوعدك اطلع اعتذر ليها وانزلها ليك كمان واضح انك مش قادر